芽莊越式料理 (海港城)

营业中

休息中

芽庄系一间装修精致嘅越南餐厅。楼底够高而且有一边全部系大玻璃窗，维港景色尽收眼帘。如果去食晚餐的话，对住无敌大海景，真系令食饭嘅气氛大大提升。- 软壳蟹青木瓜沙律🥗（$108）有一整只软壳蟹，外表炸得金黄松脆，内裹保持到鲜甜多汁。青木瓜沙律材料丰富，有青木瓜、红萝卜、紫洋葱、花生、香草同一片虾片。可惜虾片有啲硬，不过唔影响整个沙律嘅味道。调味酱汁酸辣惹味，非常开胃。不过唔食得太辣嘅朋友要留意，呢个沙律我觉得属于中辣程度🌶- 越式炸春卷 🥢 （$90）春卷外皮有少许硬，馅料唔算好多，味道中规中矩。反而我喜欢旁边有大量生菜同青瓜，可以夹住春卷一齐食，减低油炸嘅肥腻，仲唔会太热气。- 烧猪扒捞檬 🐷 （$88）猪扒富有香茅腌料嘅味道，炸得甘香。檬粉软硬适中，无黏埋一嚿嚿。比起汤河粉，我更喜欢檬粉。因为可以加入特整嘅鱼露，酸酸甜甜，而且仲有各款蔬菜丝，口感丰富。