君綽軒

营业中

休息中

又要找未试过酒店中餐厅，这间系可以望海景，其实想来好久，之前去过香港大酒店隔蓠过间同集团酒店中餐，食物都唔错，但装修就一般。前菜茶渍牛蒡，淆肉，掂。得奖：潮州粉果石榴球$58，网上描述：皮由生粉、薯粉、澄面及红曲米泥搓成，馅先将沙葛汆水，后加菜甫、卤水腩肉、五香粉及潮州沙茶酱炒香备用，冬菇及虾米落葱油炒熟，韭菜及唐芹下蒜油爆炒，后混合以上材料连焗香花生包果，上枱前果面放片金箔，皮薄不穿，15折皮分明尽见，……卖相系靓，有创意，除此之外，味道及皮无特出。点解用红曲，算我味钝，食唔到，用波菜汁，九菜汁，杞子汁，红菜头汁效果又点？假日特色点心~凤梨义烧菠萝包$58，因写特色再加凤梨，我天真以为有凤梨，系咁寻找，系无嘅，一般，早知如此，叫义烧稣有4件，见隔离枱涨卜卜。富贵三花带子鲛$68，卖相好美，精致，用瑶柱丝、蟹子，榄角碎做花蕊，晶莹皮包着带子肉做瓶身，味道适中。蟹肉茘蓉香稣盒$68，即芋角，馅系拆蟹肉，好丰满，虽然蟹肉浓郁，但芋头肉少，无虾米，我个人喜欢多些芋头，还要有芋香，而且无用纸垫底索油，缺点。有点意见，4人枱布跟大枱大小一样，布脚过长，好容易棘倒，外观好似唔啱身。