抹茶館 (已結業)

约左朋友行山，未行山之前当然要食饱先有气力，见到抹茶好似好吸引就入去啦。香葱芝麻生姜烧猪肉伴温泉蛋丼姜味不够强烈，好彩猪肉入味而且有咬口，温泉蛋有蛋味，不过唔系平日食到流心个种，但当作伴饭的确唔错。柚子醋炸鸡饭柚子醋酸酸地几开胃，不过柚子醋份量太少，食到尾干争争，炸鸡外表脆不过内里唔够滑，而且得4件，以呢个价钱黎讲贵左少少。抹茶红豆雪糕铜锣烧其实觉得佢似热香饼夹住两球雪糕，铜锣烧饼太甜，又唔够软熟，好彩有两球抹茶红豆雪糕，不过抹茶雪糕嘅味道都唔够浓郁，主打抹茶甜品但甜品未见特出的确有啲失望。总结整体价钱偏贵，$70几一个饭，味道未见特出，又冇LUNCH SET，想要甜品又只好单点，就算再去都应该只食甜品。