敏華冰廳 (Mikiki)

营业中

休息中

唔系第一次食黯然销魂饭，其他分店𠮶啲都OK，呢间真系特别差。本身蛋味几香，蛋汁都够捞饭，食嚿叉烧发觉超级鞋，外边系烧到有啲焦香，但食落真系唔掂，肥瘦都唔系适中，系偏瘦嘅叉烧，咬落似系摆咗好耐，有啲霉，收人70几蚊如果系呢个质素就真系唔值。之前食过黄金叉烧饭系OK嘅，唔知呢间分店做成点。希望只系呢间分店无啦啦失手，如果次次都系咁，不如我食返普通街边烧味饭算。不过呢啲连锁店一定有指引点样做佢哋嘅叉烧，如果唔系点样保持品质，仲要系招牌菜，希望下次会改善。