千家客 (已結業)

寻日去考试, 因为试场喺𠮶头, 所以特意揾呢间嘢 - 一直宣传系传统口味嘛...入去即叫招牌食物云吞面啦. 嚟到, 份量算系差唔多, 云吞SIZE叫做正常, 第一时间即刻试个汤头, 第一啖真系食到儿时味道, 佢好似真系用猪油, 份香味真系令我好开心, 但系味道真系淡啰...跟住食个面, 似乎真系有用油捞过, 够滑又真系几弹牙, 蛋味可能因为小弟条脷冇咁叻, 唔多觉有蛋香...再讲返食云吞面梗系要用浙醋同辣酱或辣油, 但传统云吞面我就喜欢辣酱多D, 但佢唔系用余均益, 而且都因为唔想破坏汤头, 特意落得少D浙醋, 少辣油同辣酱, 但系结果破坏咗个汤头, 而且食到碱水味了...跟住食完俾钱, $32 大元嚟讲可能佢出咗名D租贵咗, 但系如果用返余均益同个汤头浓返D先觉得值啰...可能都系一次起两次止了...