宗像牛肉屋 (已結業)

今日系朋友嘅生日，想拣一啲特别啲嘅餐厅同佢庆祝一下，首先讲下环境先，呢度嘅环境装修得好靓，真系好似去咗日本咁，木嘅颜色好柔和令人坐得几舒服。坐嘅位置可以望到师傅点样制作一个饭，好似食紧Omskase咁。第一次食呢一种牛肉饭，叫咗一个中价嘅牛重都要二百几蚊。见到师傅好俾心机一层一层咁样加汁加紫菜去整一个饭，令人好期待呀！牛肉切到好薄好薄真系好考刀功啊，整体来讲我觉得牛味系几重，食落嘅感觉唔油腻，不过酱汁好似有啲多，令到饭有啲咸，而且饭嘅份量唔算多，细食嘅女仔应该会啱啱好，但系男仔来讲呢应该就未必够食啦。整体来讲味道其实系几好，但系价钱真系有啲贵呀，而且食物嘅种类比较少，所以性价比一般啦。