會長之家烤肉

营业中

休息中

唔驶北上，喺长沙湾呢间韩国餐厅都可以食到烧鳗鱼，宜家仲做紧优惠，可以半价点烧鳗鱼，所以我就同朋友去试下。⭐韩式烧鳗鱼（4件）餐厅职员会帮手烧，仲会计哂时，所以保证烧得熟又唔会过哂火喉。我第一次食烧鳗鱼，平时唔食鱼嘅我都觉得几好食，食落原来好爽口弹牙，而个鳗鱼汁比平时日式果款甜，几好味。⭐熟成西班牙黑毛猪梅头肉呢只黑毛猪系26 days dried age，见到觉得几特别就试下。职员烧到金黄色，仲剪到细细件，望落有啲似叉烧，而食落肉味好香，点少少辣酱已经够味。⭐美国极佳牛颈脊⭐韩式酱汁牛五花仲试多咗两款烤肉，可以拣自己烧或者职员帮手，不过我都系揾职员烧，确保食到最佳嘅味道。两款都唔错，但我个人比较钟意酱汁牛五花，虽然脂肪较多，但个酱汁甜甜哋，加上牛五花腌到好入味，食完会想再食。⭐韩式水冷面冇乜喺香港叫过韩式冷面食，估唔到呢碗几有惊喜。冷面好烟韧，个汁酸酸甜甜，加上有青瓜丝同雪梨，食落好开胃。整体黎讲，呢间食物味道同质素都几好，会有下次。