影片
更多
2013-09-16
843 浏览
呢晚, 因为朋友比既一张报纸 coupon, 大老远走入黎油塘。今次一行 4 人, 就系去试 coupon 上面果个 4 人海鲜晚餐 (套餐)~Coupon个set系无野需要拣既, 因为菜单已经定咗, 包括…避风塘濑尿虾 - 碟上满满既炸蒜粒, 香口野味, 濑尿虾一人一只, 都好大只厚肉, 而且肉质鲜甜结实又弹牙, 赞!!鲍鱼 - 果皮清蒸, 鲍鱼唔算大只, 不过肉质弹牙, 口感丰富, 果皮味就好淡, 还好鲜味搭够, 唔错!!豉椒炒蚬 – 够味, 可惜食既时候已经冻咗~白灼虾 - 细只咗D, 不过几鲜甜~盐焗奄仔蟹 - 感觉过火咗少少, 因为蟹脚既肉干晒~清蒸xx 鱼 - 都几大条, 肉质唔算好滑, 不过都无蒸到过火, 唔错!!粉丝蒜蓉蒸扇贝 - 无咩蒜蓉味, 不过清清地仲好, 可以食到原味, 扇贝爽口弹呀, 不过 size 唔特出, 佢将扇贝开咗边, 视觉上就好似好大只咁~~炒菜芯 - 爽脆嫩口, 不过都几油~糯米鸡 - 糯米多, 配料少, 不过味道还可以~花胶炖鸡汤 - 好香好甜既一个汤, 味精点都有, 不过唔多, 用料好足: 4份1件鸡件 + 5-6件花胶 + 5-6 只新鲜鸡脚
今次一行 4 人, 就系去试 coupon 上面果个 4 人海鲜晚餐 (套餐)~
Coupon个set系无野需要拣既, 因为菜单已经定咗, 包括…
避风塘濑尿虾 - 碟上满满既炸蒜粒, 香口野味, 濑尿虾一人一只, 都好大只厚肉, 而且肉质鲜甜结实又弹牙, 赞!!
鲍鱼 - 果皮清蒸, 鲍鱼唔算大只, 不过肉质弹牙, 口感丰富, 果皮味就好淡, 还好鲜味搭够, 唔错!!
豉椒炒蚬 – 够味, 可惜食既时候已经冻咗~
白灼虾 - 细只咗D, 不过几鲜甜~
盐焗奄仔蟹 - 感觉过火咗少少, 因为蟹脚既肉干晒~
清蒸xx 鱼 - 都几大条, 肉质唔算好滑, 不过都无蒸到过火, 唔错!!
粉丝蒜蓉蒸扇贝 - 无咩蒜蓉味, 不过清清地仲好, 可以食到原味, 扇贝爽口弹呀, 不过 size 唔特出, 佢将扇贝开咗边, 视觉上就好似好大只咁~~
炒菜芯 - 爽脆嫩口, 不过都几油~
糯米鸡 - 糯米多, 配料少, 不过味道还可以~
花胶炖鸡汤 - 好香好甜既一个汤, 味精点都有, 不过唔多, 用料好足: 4份1件鸡件 + 5-6件花胶 + 5-6 只新鲜鸡脚, 好味!!!
食物, 的确都算系唔错, 味道, 亦都可以, 只可惜..............................上菜快到离晒谱, 一碟啱啱放低之后, 第二碟又黎, 点解要咁做呢??? 真系想赶客????
准备食第一样既时候, 第二样又上枱, 开始食第一样既时候, 第三样又上枱, 想点????
D 野就算出黎系热既都无用啦, 到食果时全部都冻晒......
真系有需要赶得咁紧要咩?! 定系因为我地系食"套餐"既, 所以唔想我地食咁耐阻住佢做其他散叫客既生意???!
真系完全睇唔到佢有『待客之道』啰!! 成餐饭, 好似比人追住追住咁... 好有压力.... 而且, 又无人收碟, 张枱仔储住一堆碟响度, 好似食寿司咁.........
唉~就算D野几好食都无用, 真系咩分都扣晒~!!
题外话/补充资料：
上菜就过份超速, 执枱就超越龟速.... =(
(以上食记乃用户个人意见 , 并不代表OpenRice之观点。)
张贴
