鴨仔冰室 (已結業)

今日去咗公司附近嘅呢一间鸭仔冰室度试下新嘢，餐厅以鸭仔为主题，周围都放咗好多鸭仔嘅摆设，仲有埋壁画，而门口亦都挂咗一只大大只嘅鸭仔，非常易认。冻柠茶少甜，独立包装饮筒份外卫生，红茶柠檬，比例完美。是日餐汤系椰菜花忌廉汤，上枱嘅时候仲系热辣辣，喺今日得8度嘅气温之下饮碗热汤真系好鬼正，椰菜花同忌廉味道平衡，喺里头仲能够揾到一粒粒嘅椰菜花，认真真材实料。鸭仔什扒配薯条(猪扒、牛扒、鸡扒)，什扒阵容鼎盛，上枱嘅时候肉香扑鼻，牛扒完全无经过松肉粉嘅洗礼，所以仲保留到比起坊间冰室牛扒更香浓嘅牛味；鸡扒煎得好香，口感嫩滑；猪扒仲见到一格格嘅烧烤网纹，令人食指大勋。配菜有薯条、棷菜同红萝卜，喺冰室食饭有条菜食已经相当开心，鸭仔呢度仲要系海量嘅蔬菜，完全满足哂我个"菜胃"；薯条热辣辣又异常咁香脆，好明显系新鲜炸起，整体相当高质。临走时为12点九，门口已经有一吨人企咗喺度，想食好西嘅朋友记得早啲到喇。