皇軒私房菜 (裝修中)

皇轩私房菜环境唔错，地方唔大，但打理得好整洁，设有大电视，好似屋企食饭嘅感觉咁，舒适倾下计或者讲下电视内容，不错嘅选择! 溏心蛋拌胡麻沙律︰好新鲜嘅沙律菜，溏心蛋做得好好，配上芝麻酱，又美味又开胃。花雕醉鸡︰花雕好香又唔带苦涩味，鸡肉好伕味，又够林!麻辣猪手︰好钟意呢个猪手，厨师好有技巧，处理得好好，一D都唔觉得肥， 个辣都好适中，唔会太辣，而且好香。蜜椒牛柳粒︰好够火候，牛柳炒得刚刚好，唔会过老，有肉汁又够鲜嫩，配菜都好新鲜。XO酱鲍鱼粒炒饭︰好欣赏，又够镬气，饭香好有鲍鱼香，XO酱提升左饭嘅香味。菊花豆腐甜品︰豆腐成很多条状，卖相似菊花好，好靓，姜汤清甜，少少辣，又靓又好食。