影片
更多
2011-03-05
105 浏览
上网看过资料,原来这间是陈年老店,店员全部都系印度人,食嘅是正宗印度菜.店内环境尚算坐得舒服,值得一赞系洗手间几干净,唔会湿淋淋.食品款式算多,价钱实惠,食佢哋嘅SET LUNCH,抵过去大家乐同大快活.讲回味道方面,详细介绍如下:胡椒脆饼够哂香脆，食出粒粒胡椒香．配埋佢嘅三种香料酱，酸酸甜甜，又有少少辣几特别，但系好唔好味就见仁见智，本人唔系太接受，感觉嘛嘛！！餐汤加咗杂豆，味道一般，冇乜特别，唔饮都冇所谓．咖哩角皮厚但炸得香脆几干身，唔会食到成口油．馅料系咖哩杂菜薯仔蓉，好重香料，唔太接受，味道一般．午餐加五元嘅印度奶茶，质感唔够香滑，饮得出加咗豆蔻同茴香等香料，味道怪怪，本人难以接受．午餐可拣饭或薄饼，我拣咗薄饼，口感烟烟韧韧，冇乜味，配咖哩一流．咖哩嘅汁底味道差唔多，配料叫咗羊肉，鱼柳同杂菜，印度咖哩以为好重香料味，又唔系㖞，可以接受，味道ＯＫ．羊肉质感够腍，羊膻味偏淡，怕食羊嘅都可以接受．鱼肉冇雪味，肉质唔算滑但有鱼鲜味，ＯＫ．杂菜质感煮得过腍，一般．冻柠茶少甜，茶香味唔够浓，味道一般．总括来讲，可能味道太正宗，唔系太多香港人可接受，好食与否，见仁见智，有机会大家亲身试吓啦！
店内环境尚算坐得舒服,值得一赞系洗手间几干净,唔会湿淋淋.
食品款式算多,价钱实惠,食佢哋嘅SET LUNCH,抵过去大家乐同大快活.
讲回味道方面,详细介绍如下:
胡椒脆饼够哂香脆，食出粒粒胡椒香．配埋佢嘅三种香料酱，酸酸甜甜，又有少少辣几特别，但系好唔好味就见仁见智，本人唔系太接受，感觉嘛嘛！！
餐汤加咗杂豆，味道一般，冇乜特别，唔饮都冇所谓．
咖哩角皮厚但炸得香脆几干身，唔会食到成口油．馅料系咖哩杂菜薯仔蓉，好重香料，唔太接受，味道一般．
午餐加五元嘅印度奶茶，质感唔够香滑，饮得出加咗豆蔻同茴香等香料，味道怪怪，本人难以接受．
午餐可拣饭或薄饼，我拣咗薄饼，口感烟烟韧韧，冇乜味，配咖哩一流．
咖哩嘅汁底味道差唔多，配料叫咗羊肉，鱼柳同杂菜，印度咖哩以为好重香料味，又唔系㖞，可以接受，味道ＯＫ．羊肉质感够腍，羊膻味偏淡，怕食羊嘅都可以接受．鱼肉冇雪味，肉质唔算滑但有鱼鲜味，ＯＫ．杂菜质感煮得过腍，一般．
冻柠茶少甜，茶香味唔够浓，味道一般．
总括来讲，可能味道太正宗，唔系太多香港人可接受，好食与否，见仁见智，有机会大家亲身试吓啦！！
张贴
