心夜來潮 (已結業)

潮州菜都系其中一样我几钟意食嘅菜式，有时同屋企人会食；有啲朋友更加好钟意食潮州打冷等等。旺角呢一间上楼嘅潮州菜，环境装修有啲古典风味，见到有炸馒头，即刻忍唔住叫，原来都有好多一小旧，炸得金黄香脆，点埋炼奶真系好好食。牛肉饼冇得顶，啲牛肉好特别，一个个牛肉饼非常爽口，同平时嘅唔同；而且加埋啲韭菜非常之香。我觉得喺呢度必点嘅一个菜。另外我哋仲叫咗东风螺，细细粒，而且份量好多。唔好睇落去好似唔辣咁，食落去真系好几辣下。叫咗煎蚝饼，好大个，非常之香脆，入边仲有好多蚝。一个份量真系好多两个人食都好饱。