香港鴻興隆中華菜館 (已結業)

呢间新开嘅川菜馆，见到装修富有中国特色风味，都几得意。枱上嘅餐牌都设计特别，枱上面仲有透明玻璃入边放置着唔同嘅布置。食川菜最钟意叫麻婆豆腐，麻婆豆腐份量好多，而且豆腐都几滑，个汁唔会太辣，辣味尚可接受，而且有麻麻哋辣嘅风味。好香。酸菜鱼好大盆，入边亦都有好多鱼，鱼都几香，酸菜味好浓，只有小小辣吊味。而且入边仲有薯粉，连埋啲汤一齐食唔错。炒肉丝又系份量好多，最啱就捞饭。肉丝味道甜甜地，如果叫咗辣嘅菜式，呢个就可以中和一下。