雲長小龍坎老火鍋 (已結業)

今日同几位边炉脚黎试一试呢间云长。环境：3.5食物：3服务：3.5其实整体食物，环境，服务都唔错！ 但由于限时两小时，实在严重破坏打边炉既意义。打边炉就系三五知己，或一大伙朋友，可以求其所好，食肉的食肉，食丸的食丸，要辣有辣，要药善有药善。 慢慢滚慢慢倾。 但由于限时原因，两小时内连order 的食物都完全未食完，有几碟仲要未食过，就要埋单交枱。我绝对明白香港租贵人工贵，想做多一转生意。 店铺对客人有要求系可以理解，但叫碟牛都要成15分钟先送上，其他配料亦不算快， 客人纵使想配合交枱时间亦非易事。希望改善一下限时的问题！ 试问店主出外作客打边炉都未必接受两小时还枱的规定。俾您每晚赚多一轮，但输左返头客又有咩用。想信做生意眼光唔应该放得太浅！ 短期内唔会再试。