El vaso de oro hk

营业中

休息中

呢排工作好辛苦，今日都想奖励自己食好少少，于是就同朋友约好咗会嚟上环呢间西班牙菜道食晚饭，觉得可以喺间有情调嘅餐厅度聚下旧，其实真系可以放松心情，于是今日收工之后就去到上环，喺地铁站行大概7分钟就到，呢度感觉真系好似去咗外国咁样，嘢食嘅质素亦都好高，叫咗佢所有嘢都好好食。第一样嘢当然要叫我最钟意嘅八爪鱼啦，基本上系每一间西班牙餐厅都一定会叫，呢间嘅质素亦都好高，八爪鱼唔会整得太硬，加埋酱汁好鲜味，咸咸地配埋啲薯蓉真系一流！之后钟意食生嘢嘅，我都叫埋Wagyu beef tartare toast，呢个味道条配得好好，完全冇腥味，而每一口嘅生牛肉个口感都有q弹感，十分新鲜。之后本身我冇谂住叫肉丸，但系朋友好钟意食，所以就照叫啦，结果真系出乎意料咁好食，可能就系因为加咗cuttlefish ，口感同一般嘅肉丸唔一样，更加结实，更加弹牙，个酱汁亦都好浓郁，正！最后当然要叫埋个Seafood paella啦，超多海鲜，口感好好，食完真系饱晒！