佳記甜品

营业中

休息中

前几日同左男朋友去元朗睇舞台剧，去左佳记甜品到食嘢，见到凉粉同西米露都想试，所以就两样都叫晒，再加多一个驰名的蒜香鸡翼尖，因为有甜食，所以唔驶惊辣。我地叫左个杂果西米露，西米露入面有西瓜、芒果、火龙果等时令水果，好适合夏天食用，而且佳记的呢碗西米露都几大碗，其实真系够晒两个人食，同埋啲生果配合埋椰汁西米露，真系好好味，啖啖西米加生果，真系好正。而凉粉佢会分开上花奶，可以跟返自己喜好而加花奶，因为始终每个人钟意花奶的程度都有所不同，而且有啲人钟意超多花奶，佢呢样嘢就可以满足到了，而且佢的凉粉好特别，凉粉入面会加上冰粒仔，可增加口感，变成好似刨冰咁。而蒜香鸡翼尖，系店内招牌菜，好多人都叫，蒜蓉味重，系不是太多麻油香，虽然有辣椒，但不算太辣，不吃辣的朋友(我)可接受到。始终有时食得太多台式或西式甜品，都会想食返下啲传统中式糖水。