影片
更多
2024-09-07
9566 浏览
屋企人买到买一送一优惠，就一家六口嚟呢度食lunch buffet庆祝生日。记得早几年嚟过逸东食自助晚餐，𠮶阵嘅印象唔错，因为佢嘅食物种类好多，而且唔同区域喺唔同位置，唔会怕同人哋迫埋一齐攞嘢食。今日最估唔到系午餐都有生蚝食，虽然唔算大只，但海水味十足，完全冇腥味好新鲜，六个人加埋食咗几打生蚝🤣另外蟹脚虽然比较幼身，但解冻做得好好，同埋亦都唔咸👍🏻刺身方面三文鱼超正，鱼油味重，而且佢会厚切，口感好正。隔离仲有即炸嘅天妇罗区，遇到佢啱啱炸起天妇罗虾，虾嘅熟度啱啱好，炸浆亦唔厚🍤呢度嘅烧味亦都唔错，叉烧系半肥瘦，厚身得来又够腍。烧鸭相对比较干身，但个烧鸭皮够薄身有啲脆口。呢度嘅甜品超多，雪糕竟然系Movenpick🍦食匀晒佢嘅瑞士朱古力、意大利奶冻同埋焦糖炖蛋味🤤另外叫咗个职员帮我即整个窝夫，本身都怕成嚿食唔晒，但个职员话就算要一半都OK，呢样嘢好贴心💓隔离仲有啲花生酱、炼奶、朱古力酱配呢个窝夫，食完好满足。另外中式甜品椰汁紫米露都好有惊喜，椰汁味香得嚟，个紫米露又唔会太甜。
记得早几年嚟过逸东食自助晚餐，𠮶阵嘅印象唔错，因为佢嘅食物种类好多，而且唔同区域喺唔同位置，唔会怕同人哋迫埋一齐攞嘢食。
今日最估唔到系午餐都有生蚝食，虽然唔算大只，但海水味十足，完全冇腥味好新鲜，六个人加埋食咗几打生蚝🤣另外蟹脚虽然比较幼身，但解冻做得好好，同埋亦都唔咸👍🏻
刺身方面三文鱼超正，鱼油味重，而且佢会厚切，口感好正。隔离仲有即炸嘅天妇罗区，遇到佢啱啱炸起天妇罗虾，虾嘅熟度啱啱好，炸浆亦唔厚🍤
呢度嘅烧味亦都唔错，叉烧系半肥瘦，厚身得来又够腍。烧鸭相对比较干身，但个烧鸭皮够薄身有啲脆口。
呢度嘅甜品超多，雪糕竟然系Movenpick🍦食匀晒佢嘅瑞士朱古力、意大利奶冻同埋焦糖炖蛋味🤤另外叫咗个职员帮我即整个窝夫，本身都怕成嚿食唔晒，但个职员话就算要一半都OK，呢样嘢好贴心💓隔离仲有啲花生酱、炼奶、朱古力酱配呢个窝夫，食完好满足。另外中式甜品椰汁紫米露都好有惊喜，椰汁味香得嚟，个紫米露又唔会太甜。
张贴
