豆乳狂人 (已搬遷) 新店位置

以为呢间豆乳狂人净系卖豆浆，但系原来都有好多豆制品和小食，一于外卖回家同家人一起分享。拣咗支特浓可可豆乳试吓，感觉好似饮紧朱古力奶，好唔错呢！然后店员又推介新产品「鲜奶布丁黑豆浆」，个样系黑白两色几有趣，所以又试埋啦，呢个要用粗饮管饮，鲜奶布丁非常之滑，加上黑豆浆好香嘅豆味，配搭得好好呀！虽然佢都有比黑糖糖浆我自己倒入去，可以自己控制甜度，但系我觉得本身嘅甜度都已经足够。小食就叫咗鸡软骨同埋啲粢饭，我家小鬼最钟意食鸡软骨，试过唔同地方买俾佢，佢真系会觉得有分别，而呢间佢都赞好食，确实系大大粒份量多，而且炸得好酥脆，加埋少少椒盐味，好惹味吸引，转眼已经被抢食无晒🤣🤣粢饭很大旧，里面有油炸鬼、榨菜、肉松、芝麻。饭的份量比较多，加咗芝麻令到粢饭比较香口，同其他材料的味道好夹。另外买咗几碗甜品，包括三色芋圆，可自选三款材料配搭，我拣咗手工黑糖、西米、凉粉，凉粉爽口、西米弹牙、芋圆有咬口，加埋个豆浆底，都好好味。手工豆花都有十二款，由于太钟意黑糖，所以拣咗黑糖珍珠豆花和黑糖桃胶豆花，两碗都非常足料，黑糖珍珠够晒烟韧，桃胶就大大粒又滋润，豆腐花全部都好滑，做得好好。还有一杯奶盖豆乳布丁烧仙草（ $