古月

营业中

休息中

又系太夜食饭嘅关系，所以choices 少左。系呢条街有好多间黄店，所以夜咗都仲系好多店排满咗长龙，呢一间相对少啲人排队(应该因为turnover 比较快)，所以我哋就入咗去食。然后发现佢唔止系黄店米猪连，仲系真正米芝莲推介！佢间店细细地，系食马来西亚菜，墙上好多明星帮衬嘅相同马来西亚/新加坡有关嘅壁画，我地本来系想食肉骨茶，点知因为太夜肉骨茶已经sold out... 最后我叫左呢个鸭肉卤水面，个汤睇上去好深色，但唔会好咸，系完全可以饮嘅汤，而且几好味。但个面因为比较唔挂汤嘅质地，所以唔够入味。另外个名唔系叫海南鸡饭但实际上系海南鸡饭嘅饭，几好食，鸡都滑嘅。跟住呢个系一个辣酱拌面，佢最中间𠮶度有啲辣酱，虽然唔系好多，但应该系啲干辣椒整成嘅，所以好少就已经好辣，所以应该系咁佢会配个汤比你嘅。overall啲食物都唔错嘅，价钱都唔算好贵啦，下次可以再嚟试一试d肉骨茶。