潮式腸粉家菜館 (已結業)

呢间铺头，之前系葵芳同元朗，依家搬左出太子。老板系潮洲人，有好多酱料同食材都系潮洲拎落黎既！家庭式小店，但好劲，可以做到米芝莲既推介。入到铺头就见到成墙都系米芝莲推介既新闻。呢间铺主打都系肠粉同粿条咁，都有做小菜打冷，价钱就正常，中规中举咁。小食就觉得价钱太进取，因为D食材真系唔系D咩贵食材，反而知道系有手工钱同灯油火蜡钱。招牌鲜蚝肠粉$58，镇店之宝。其实系潮洲都好出名，好地道好平民既小食。潮式肠粉同香港广东肠粉唔同既，唔系一条条，而系成底一份既。常见都系冬菇、虾米、鱿鱼、生菜、芽菜等等，另外可以加D蚝仔、猪肉或者牛肉。广东肠粉落豉油、潮式既就落茨汁猪骨汤+ 五香粉。我从来未食过潮式肠粉，所以唔知正唔正宗。肠粉皮非常厚，而且唔滑，虾米同鱿鱼超腥，蚝仔就一般啦！D生菜、芽菜出水，所以个汤好稀。招牌炒粿汁$78，无镬气、芽菜韭菜好似用黎伴碟咁，少到呢。扎肉无味，甜鼓油就成为重要角色。可能本身潮洲野系咁，所以我唔作太多评论，可能系唔岩我口味姐。