影片
更多
2013-12-26
1006 浏览
去年既米芝莲2013香港澳门指南推出时，好多人都惊讶位于佐敦既一间小店系入选左米芝莲既推介！惊讶原因唔系因为食过觉得唔好食，而系其实本来好多人都未听过或者唔知有呢间小店既存在。但系，好食既店铺，无论开喺边一区同埋边条横街窄巷都会有知音人知道既。我想去试呢间小店都想左成一年几，但系一直都未有机会，主要原因系觉得太远同埋无去探究呢间店铺实在既位置喺边度。大约半年前，有一次搭的士咁岩望出去就突然见到呢间小店，都几有缘，当时先知道确实位置喺边度，不过始终都未有计划去。直到上星期，同朋友特意去到油麻地某间怀旧冰室想试下出名既食物同埋感受一下怀旧既气息，谁不知，𠮶间冰室无开到，再一次了解甚么是缘份，于是就决定转地方，去到呢间小店<有缘小敍>。<有缘小敍>主打西安菜，喺香港可以差唔多话系绝无仅有！小店主要由两夫妻经营，轮流制造食物同招呼客人，所以服务方面其实都系自己顾自己啦，不过佢地都会向客人讲解食物既特色同教客人应该点样食，亦见到佢地会问客人意见，睇下有冇咩改善地方，可见店主对食物既执著。食店环境唔大，都系得一张大枱同横边既长枱，满座时大约可容纳十个人。店内食物价钱
<有缘小敍>主打西安菜，喺香港可以差唔多话系绝无仅有！小店主要由两夫妻经营，轮流制造食物同招呼客人，所以服务方面其实都系自己顾自己啦，不过佢地都会向客人讲解食物既特色同教客人应该点样食，亦见到佢地会问客人意见，睇下有冇咩改善地方，可见店主对食物既执著。食店环境唔大，都系得一张大枱同横边既长枱，满座时大约可容纳十个人。店内食物价钱大众化，主要都只系十数元至四十多元。墙上贴满了不少报章介绍。
讲到全间店铺最出名既食物，一定不得不提Biang Biang 面！相信如果唔系有英文拼音，全港识读呢个中文字既人可能不出五十个呢 。Biang Biang 面
既然系最出名既食物，当然要试下Biang Biang 面啦！Biang Biang 面其实系一条既宽阔亦好长，兼且系一条过既白色面条。有啲似意大利既Lasagna，本身Biang Biang 面只系得面粉既味道，但加上店铺既秘制辣油、香蒜、葱粒、紫菜、芽菜等捞埋一齐之后，非常惹味！ 面条本身做得亦都系好，幼滑得嚟非常之弹牙！虽然整体捞埋一齐之后有少许咸味，但亦唔会影响到呢碗Biang Biang 面系有几高水准既事实。本身想试埋茴香饺同羊肉饺，但最后都系决定食肉，所以叫左金沙骨。金沙骨肉质松软，都唔错。我最喜欢一啲用心制作既小店，起码唔似大部分连锁集团只顾住利益而唔理食物质素，食物用心制作，客人系会睇到亦尝到，最后会一传十、十传百咁传开去，令更多人留意到。香港真系有唔少只顾利益既餐厅，所以见到而家仲有啲用心既小店，我会继续支持。
题外话/补充资料：
世间离合太多，问世间缘份是何物？有缘未必代表有份，有份亦未必代表有缘。当世上好多人和事都系捉不紧，拿不稳既时候，缘一到，就要尽力把握。因缘际会来到有缘小敍，缘份令我可以一试呢间餐厅，带多左一间可以入我favourite list 既餐厅，很感谢缘份。至于何时才会在生命中遇到有缘人而且能够小敍片刻？不能强求，唯有等待下一次既缘份到来啦。
(以上食记乃用户个人意见 , 并不代表OpenRice之观点。)
张贴
