牛極 (通菜街)

营业中

休息中

喺日本成日都会食一啲有自助点餐机嘅餐厅， 有时盲摸摸咁点餐都系一种乐趣。 估唔到喺香港都有自动点餐机可以入钱落去点餐， 而且有电源喺侧边辅助你绝对唔会盲摸摸。 我点完餐之后揾咗个位坐低， 发现原来呢度有自助区， 提供任食嘅汤饭同沙律。 我就好奇咁装咗碗罗宋牛肉汤， 估唔到超级有牛味， 果然系专门食牛嘅餐厅！饮咗一阵汤， 好快就有牛肉可以食， 呢度系用火山石嘅石板去煮热啲牛肉， 牛肉上碟嘅时候只系一成熟基本上入面系生嘅， 咁想见你想煮度有几熟就系自己决定。我自己比较钟意食大约六成熟嘅牛肉， 所以我就快速切开啲牛肉，急不及待咁食咗几啖， 牛肉质地都几好食， 呢一个价钱嘅性价比我觉得算系好高！最后临走𠮶阵我重装多咗一碗牛肉汤饮， 而且佢哋系会 随时都会补返自助区里面嘅食物，所以唔需要担心食晒冇得食。同场都有一家大细坐低喺度食牛肉， 小朋友见到自动点餐机十分之兴奋。