凱悅海南雞專門店 (已改名) 查看

其实成日行过呢间嘢，但总系未有机会入去食，今次扚起心肝要去食佢嘅海南鸡饭，睇吓系咪真系做到专门店嘅级数！环境小店一家，卫生程度合理。餐牌我以为剩系得海南鸡食，原来仲有其他嘢食😂 无骨海南鸡饭 $58紧系要嗌招牌海南鸡饭，仲分无骨同有骨，我哋拣无骨，咁啱黄姜得返一个，讲紧系晏昼两点黄姜饭就卖晒😳可想言之呢间小店几受欢迎。奉送紫菜汤，系用鸡骨熬制。鸡件鸡皮薄身，油脂刚好，鸡肉超嫩滑无渣，黄饭香又粒粒分明，原来小店仲有自己嘅农场，唔怪得！ 无骨口水鸡饭 $60 无哂黄姜饭，咁就拣一款配白饭都咁惹味嘅口水鸡。呢度嘅口水鸡同平时食嘅都几大分别，唔系麻，亦唔觉辣，反而甜味为主，鸡件唔使讲都系咁乱画，相对上就比较接近香港人口味。 香茅猪扒 $30$30都几大块，猪扒香口，质感都唔错，唔会有雪藏猪腥味。