影片
更多
2021-01-24
2844 浏览
戒咗Pizza Hut 同kfc好耐，某日look到有人介绍呢间pizza，正呀...即试💛DK Pizza Cafe💛佢地系有外送速递既，不过唔同地区有唔同既消费要求，详情可以打去问返佢地。而我果区可能又新界，比较远，要$900先送好啦，讲返野食，其实唔差，平时pizza店一般系跟忌廉汤多，但DK有埋罗宋汤选择，我好钟意罗宋汤㗎🍲罗宋汤唔错，唔会太酸太辣，味道啱啱好，几好饮🧀🥖芝士蒜茸包同蒜茸包都ok🥦白汁芝士焗西兰花，呢个好味小食仲有咖哩角、春卷、洋葱圈，呢啲都正正常常，好食既到炸鸡啦，我地叫咗魔鬼芝士炸鸡、乳酪芝士炸鸡同埋奇趣鸡。🧀🐔魔鬼芝士炸鸡系有好多芝士系啲鸡上面，个底仲垫住咗啲薯角，而啲薯角又黏满哂芝士，啱哂芝士控既朋友🤤🤤🐔奇趣鸡就好似KFC原味鸡，但个皮就再脆口啲，如果食开原味既，选择奇趣鸡就啱啦仲有个乳酪芝士炸鸡，佢有跟一盒乳酪酱，可以沾嚟食，味道系特别，都ok，但就唔系好食得到有芝士味😅好啦，到pizza啦，叫咗🍕泰式辣香鸡同千岛海鲜其实我系好期待个千岛海鲜，因为去每一间pizza店，我都一定会选千岛，真系好钟意食，不过今次系失望既😔食唔出有千岛酱既味道，同普通pi
💛DK Pizza Cafe💛
佢地系有外送速递既，不过唔同地区有唔同既消费要求，详情可以打去问返佢地。
而我果区可能又新界，比较远，要$900先送
好啦，讲返野食，其实唔差，平时pizza店一般系跟忌廉汤多，但DK有埋罗宋汤选择，我好钟意罗宋汤㗎
🍲罗宋汤唔错，唔会太酸太辣，味道啱啱好，几好饮
🧀🥖芝士蒜茸包同蒜茸包都ok
🥦白汁芝士焗西兰花，呢个好味
小食仲有咖哩角、春卷、洋葱圈，呢啲都正正常常，好食既
到炸鸡啦，我地叫咗魔鬼芝士炸鸡、乳酪芝士炸鸡同埋奇趣鸡。
🧀🐔魔鬼芝士炸鸡系有好多芝士系啲鸡上面，个底仲垫住咗啲薯角，而啲薯角又黏满哂芝士，啱哂芝士控既朋友🤤🤤
🐔奇趣鸡就好似KFC原味鸡，但个皮就再脆口啲，如果食开原味既，选择奇趣鸡就啱啦
仲有个乳酪芝士炸鸡，佢有跟一盒乳酪酱，可以沾嚟食，味道系特别，都ok，但就唔系好食得到有芝士味😅
好啦，到pizza啦，叫咗🍕泰式辣香鸡同千岛海鲜
其实我系好期待个千岛海鲜，因为去每一间pizza店，我都一定会选千岛，真系好钟意食，不过今次系失望既😔
食唔出有千岛酱既味道，同普通pizza差唔多☹️唔知系因为佢地用果款千岛酱比较淡味，定系因为落得太少
个泰式辣鸡ok既，唔系话好辣果种
总括嚟讲，DK既食物水准系唔错，除咗个千岛pizza😅，价钱亦都唔贵，款式选择都算多，绝对会再帮衬
开party搅聚会既话，不妨都试下叫佢地既外卖呀💛
张贴
