有蒸氣 海鮮石鍋專門店 (已結業)

成日都打边炉其实都几肥又会热气 今次就系尖沙咀揾左间蒸气海鲜锅食 呢度位置系天文台道个度 行少少就到 今晚系平日 都算多人 黎到有好多选择款套装 可以散叫。有唔同海鲜配料个啲我就拣左个海鲜餐再加黑松露蒸蛋 虽然拣左套餐但都要再拣粥底定汤底 因为想清啲惊粥底会太饱😂所以我地就拣左鲜响螺竹丝鸡汤底 拣晒野食但啲野食未到 就食左佢前菜青瓜同花生 青瓜酸酸辣辣都几开胃 同埋店员拎左酱油架俾我地自己调味 都系平时个啲蒜呀辣椒豉油。不过海鲜应该都自带甜味 唔洗点点呢度食蒸气锅有店员帮我地落野食计时唔洗自己黎 正！ 先黎嘅系黑松露蒸蛋 食落好重黑松露嘅香味同埋蛋好滑 之后就有鲍鱼同沙包蚬 鲍鱼食落都几爽口反而蚬就有鲜味 都鲜甜 虾就一串串咁上 食个阵方便啲 同埋系蒸出黎 所以唔会整污糟手 都好甜 唔洗点豉油都好好食然后就有个蒜蓉粉丝蒸元贝 好钟意佢够香口 同埋元贝大大粒 仲有桶蚝就够肥美 姜葱蒸鲜鱿就份量几多 食落都几爽甜 仲有豆卜添 索左啲海鲜味 手剁猪肉丸同墨鱼丸就够弹牙唔会肥腻 最后黎嘅系金银蒜蒸胜瓜 好香蒜味 到最最后就饮埋个汤 因为索左头先啲海鲜味所以个汤变得好鲜甜好好饮 下次黎会拣佢嘅粥