影片
更多
2020-01-10
51 浏览
香港人系乜呢？香港人系...急速有效率急到食餐饭都赶头赶命，当然，呢种系普遍既态度，唔系个个香港人都系咁。但有啲餐厅就赶住做多几转，要迫你埋单，你都唔好意思要阻人发达。讲咗咁多，都要入正题啦，呢间餐厅系就系赶头赶命，但唔系食客，而系伙计。我眼见佢地好忙，忙住送上美食，又要放好位置，又要set 时间去蒸，每道菜都蒸唔同时间，点记既呢？最惨系有人食得快，有人食得慢，但我留意到，服务员(我唔知应该叫佢传菜好呀，还是厨师好？)系会等我食完先一道菜，佢先至会蒸第二道菜，我估系佢唔想蒸好之后，我未食完令到第二道菜摊冻啦。但我食得慢，变咗佢又要等我。但佢都自动隐形，唔想俾压力我，所以我觉得呢到超好服务㖞。再睇下墙上有好多明星合照，相信呢到既话事人应该几好人缘。讲到蒸气火锅，市面上都有唔少，以前我都有食过，多数都系蒸海鲜，因为咁样最能够保留食物既鲜味。呢间餐厅每道菜式都好讲究，而且食材系极之优质，以及童叟无欺，点解咁讲呢，因为有只蚬蒸完唔开口，我都不以为然，但个服务员好主动话帮我地换过只。呢D信心既保证，一只蚬就收买到我啦，哈哈哈。先黎第一道菜，黑松露蒸水蛋好心急呀，等咗6分钟，终于可以食啦，黑松露唔
急到食餐饭都赶头赶命，当然，呢种系普遍既态度，唔系个个香港人都系咁。但有啲餐厅就赶住做多几转，要迫你埋单，你都唔好意思要阻人发达。
讲咗咁多，都要入正题啦，呢间餐厅系就系赶头赶命，但唔系食客，而系伙计。
我眼见佢地好忙，忙住送上美食，又要放好位置，又要set 时间去蒸，每道菜都蒸唔同时间，点记既呢？最惨系有人食得快，有人食得慢，但我留意到，服务员(我唔知应该叫佢传菜好呀，还是厨师好？)系会等我食完先一道菜，佢先至会蒸第二道菜，我估系佢唔想蒸好之后，我未食完令到第二道菜摊冻啦。但我食得慢，变咗佢又要等我。但佢都自动隐形，唔想俾压力我，所以我觉得呢到超好服务㖞。
再睇下墙上有好多明星合照，相信呢到既话事人应该几好人缘。
讲到蒸气火锅，市面上都有唔少，以前我都有食过，多数都系蒸海鲜，因为咁样最能够保留食物既鲜味。呢间餐厅每道菜式都好讲究，而且食材系极之优质，以及童叟无欺，点解咁讲呢，因为有只蚬蒸完唔开口，我都不以为然，但个服务员好主动话帮我地换过只。呢D信心既保证，一只蚬就收买到我啦，哈哈哈。
先黎第一道菜，黑松露蒸水蛋
好心急呀，等咗6分钟，终于可以食啦，黑松露唔会好抢，只会有少少松露味，最怕系好大阵味，影响到之后食海鲜既鲜味。
鲜鲍 + 沙包蚬
洗得好干净，一啲泥味都冇，食蚬最怕有沙，食得唔过隐嘛。
海虾 + 日本元贝
唔知点解要用竹签串超只虾，应该有好大学问系里面
美国桶蚝
啖啖肉，而且系热既，蚝呢…如果系咁大只呢，保险啲唔好食生既，但好果边炉呢，最怕系煮得太耐，蚝边会韧，但呢到计过度过时间，完全系熟而不韧
手剁猪肉丸 + 墨鱼丸
呢两粒丸都系眼白白睇住佢由生变熟，在生既时候，你分得出佢系手剁既；熟咗，系会食得架啦！
金银蒜蒸胜瓜 + 姜葱蒸鲜鱿
食咗几道菜，如果仲未饱，就加埋呢两个𩠌，相信应该好满足。
张贴
