糧友パン工房 (已結業)

菠萝包冇菠萝，当然蜜瓜包都系冇蜜瓜架啦！不过今次蜜瓜包有蜜瓜酱，你又满唔满意先？粮友パン工房 今次新推出咗个期间限定嘅蜜瓜包，虽然冇蜜瓜但系都有蜜瓜酱，而且蜜瓜酱嘅份量亦都唔少，基本上每咬一啖都可以食到蜜瓜酱。另外仲有超级浓郁嘅蜜瓜味添！就小编个人而言成个包嘅甜度做得恰到好处。另外佢面包上面有一层呈淡绿色嘅脆面喺度，虽然就唔系话好脆但佢有啲甜甜地，加系面包上面就好似冇咁单调，口感又会丰富啲外表又会美观啲。