緣聚西日餐廳 (西裕街) (已結業)

好耐冇食过放题，去开元朗就不如试下呢间放题。话明放题，梗系乜都有D，我地又乜都试下先。呢度既长脚蟹同生蚝可以加钱任食，不过净系夜晚先有。个盘放得好靓，长脚蟹都多肉，生蚝亦新鲜。叫左D刺身，食落都新鲜，我最欣赏象拔蚌，好脆好爽口。竟然有蟹粥食，粥够绵，亦好够味。鸡翼尖有蒜香辣味，唔太辣，呢个辣度最讨好。牛肉乌冬就清清地，肥牛同乌冬份量比例都ok。寿司大小刚好一口食晒，唔怕大大旧饭系个口度。饮品都系随便自己攞，有我最爱既支装维他奶，仲系暖架。