頂立 (裝修中)

終於食到堂食啦🙈小店位置有限，最多可以坐到10個，所以要預時間等下。一坐低，煮理人會先介紹下個menu , 好有心機整，仲要耐唔耐轉下個menu 😎有三個係本menu 上面，包括天，地，海。通常會有兩個係menu 之外嘅期間限定🫢今次叫左個海，係龍蝦蝦湯🤤好正，因為煮理人高度推薦杯咖啡配個鮮味嘅湯底，咁我地就叫左一個set ，包一杯咖啡同布甸！先講下 杯啡，好耐冇飲過咁香同回甘嘅咖啡，係fruity 嘅味道。上左個烏冬，佢suggest 我地飲完啖湯再飲啡，出乎意料咁將咖啡味昇華!!!!!值得一試🤓至於個烏冬，冇overcook , 有口感，配菜有心思，有兩種不同部位同煮法的豚肉，我個人喜歡深色d 個舊 ，肉味濃d ! 不過食到味就開始覺得濃到有d 漏🙈去到甜品，個質地有別於其他布甸，小小梳乎厘嘅感覺😂配個唔會太甜嘅焦糖source 🤤好正好滿足。