影片
更多
2022-09-10
33 浏览
今日去位于铜锣湾嘅寿司铺一尝佢地嘅omakase！午市除咗头盘同甜品，主题当然系6款刺身加6款寿司！讲食物前可以一赞呢到嘅上菜速度，因为我都唔算食得快，有时有啲omakase食到会令人觉得有啲急，似赶下场咁，呢到嘅侍应同师傅会因应我嘅速度去做上菜嘅调整，十分细心！前菜系黑醋沙律，加上特制嘅炸蒜，同平时食开嘅沙律完全唔同感觉，劲清新开胃！下一道系茶碗蒸，入面材料丰富，有木耳、银杏、烧年糕、冬菇，加上小贝薯汁同柚子皮，食落都好fresh！之后就开始进入主题，首先系左口鱼薄切，配炙烧左口鱼边，左口鱼刺身上面有竹炭盐，用鱼包裹住紫苏叶花再点上柚子酸汁一齐食，作为第一道主菜，有点缀嘅作用；同刺身味道相反，烧左口鱼边口感肥美，炙烧带出油脂感，入口即化，同之前嘅比较有味觉嘅冲击休息一阵，师傅就接住就上咗道日本北海道蚝，蚝预先剥好再用冰水保鲜，系上碟之前放入清洁干净嘅蚝壳入面作装饰，上面配上柚子皮同青柠汁，蚝本身唔重海水味，但系十分creamy！味道唔算好浓，但蚝味十分香！再黎嘅石垣贝系黎至岩手县，上面加上岩盐同青柠汁，食落口清新鲜甜，岩盐带出淡淡嘅肉香！接住嘅系和风酱油渍烧带子，刺身级嘅带子嘅甜香配
讲食物前可以一赞呢到嘅上菜速度，因为我都唔算食得快，有时有啲omakase食到会令人觉得有啲急，似赶下场咁，呢到嘅侍应同师傅会因应我嘅速度去做上菜嘅调整，十分细心！
前菜系黑醋沙律，加上特制嘅炸蒜，同平时食开嘅沙律完全唔同感觉，劲清新开胃！
下一道系茶碗蒸，入面材料丰富，有木耳、银杏、烧年糕、冬菇，加上小贝薯汁同柚子皮，食落都好fresh！
之后就开始进入主题，首先系左口鱼薄切，配炙烧左口鱼边，左口鱼刺身上面有竹炭盐，用鱼包裹住紫苏叶花再点上柚子酸汁一齐食，作为第一道主菜，有点缀嘅作用；同刺身味道相反，烧左口鱼边口感肥美，炙烧带出油脂感，入口即化，同之前嘅比较有味觉嘅冲击
休息一阵，师傅就接住就上咗道日本北海道蚝，蚝预先剥好再用冰水保鲜，系上碟之前放入清洁干净嘅蚝壳入面作装饰，上面配上柚子皮同青柠汁，蚝本身唔重海水味，但系十分creamy！味道唔算好浓，但蚝味十分香！
再黎嘅石垣贝系黎至岩手县，上面加上岩盐同青柠汁，食落口清新鲜甜，岩盐带出淡淡嘅肉香！
接住嘅系和风酱油渍烧带子，刺身级嘅带子嘅甜香配上紫菜嘅爽脆香口，两者十分匹配！
突然师傅拎出成个细路咁高嘅北海道八爪鱼，吓到我即刻打卡(*ˉ︶ˉ*)八爪鱼以慢煮两小时制成，配上小小小许（ps师傅强调）柚子胡椒酱萝卜，好弹牙好好食！
再之后系烟熏鲣鱼，用禾秆草烟熏，配上炸葱丝同啫喱醋，夹埋一齐食好特别，有多嘅啫喱加埋海带一齐食，用黎清味蕾迎接之后嘅寿司！
第一款系鲷鱼寿司，配上由面豉、葫芦瓜同三星米混合而成嘅酱汁，两者都系清甜，好夹！
第二款系呢到嘅signature之一！甜虾四重奏！四重系因为有四层虾！甜虾开边做底、中间夹住甜虾蓉、再上一层系甜虾虾膏、最顶层就系炒香咗嘅樱花虾粉，甜虾真系好甜，作为signature系当之无愧！
第三款系酱油渍吞拿鱼寿司，上面有啲芝麻碎同紫苏叶花，配衬住吞拿鱼嘅鲜味
第四款系金木鲷寿司，金木鲷系用三日黎到熟成，熟成嘅程度啱啱好，肉质柔嫩，配上炒香嘅乌鱼子碎，香口又好食！
第五款系中吞拿鱼腩，呢款简单而暴力，一个字好好食，少筋，入口即溶！
最后就系马粪海胆杯，配上风干紫菜碎，海胆闻落好香，食落更加系好鲜好甜，完全冇涩味苦味，食得出系好优质嘅海胆，大推！
最后侍应上咗碗面豉汤，等口腔可以休息下同暖下个人，同出面嘅面豉汤完全唔系一个层次，可能系加咗大量嘅生海带，同埋有滑子菇，成个汤系鲜甜，果然系新鲜熬制！
估唔到最后仲有个signature！师传
用火不断烧吞拿鱼的脂肪，我嘅口水就好似啲吞拿鱼嘅油脂，佢一滴我一滴(˶‾᷄ ⁻̫ ‾᷅˵)之后师傅将碗内嘅材料拌匀，饭入面有赤身碎、京葱、天妇罗面衣、拖罗蓉、芝麻、葱同埋啱啱提到嘅吞拿鱼鱼油，配上鳕鱼片，放落口个下香味直头系由鼻腔喷出，好正！
张贴
