忠記義

营业中

休息中

过年期间见到威非路道开咗间新餐厅，今日终于有时间来试新嘢，同老婆撑台脚，叫咗3个小菜:陈醋菠萝咕噜肉，虾干炒唐生菜，凤尾虾蒸水蛋，本来呢D就系普通嘢，冇期望，不过老婆点菜冇得say no，唯有张就系，点知咕噜肉一上台，陈醋香味即时令我食指大动，正！蒸水蛋就更惊喜，用个蛋壳形嘅碗蒸，够新意，里面仲有带子蟹柳，有诚意有新意，成2吋厚嘅蛋蒸出来一D都唔老，厨房有料到，唐生菜就属正路嘢，期间同老板吹咗几句，推荐咗鹅肝多士，卖相唔错，鹅肝够大件，唔会觉得净食多士，值得推介，下次要试埋其他菜，对呢间铺头有期望，中意食中菜嘅不防一试。