影片
更多
2017-11-06
356 浏览
呢间餐厅第一次食时系朋友介绍嘅，食物质素都几高，所以间中都会去食下，今次系有朋友喺网上见到之后提议去食嘅。有时其他朋友问啊荃湾区有咩西餐厅好食我都会推介呢一间。餐厅面积都比较细，灯光比较昏暗，装修简单，都几啱约埋几位知己好友喺度倾吓计食下野。呢度嘅必食推介一定系黑松露薯条，首先薯条外脆内软，而且薯条上面都会有少许黑松露酱，另外再配一个忌廉黑松露酱，所以黑松露味非常之浓，的确会令人食唔停。呢度嘅Pizza都做得非常出色，系薄底嘅Pizza好脆但绝对唔会觉得好干身，因为上面既芝士同酱汁都比较多，我个人就好钟意食佢嘅巴马火腿薄饼同埋夏威夷薄饼。另外佢嘅意大利粉同意大利饭都做得好细心，因为上菜嘅碟都系暖暖地嘅，意粉同埋饭嘅软硬度都煮得适中。今次试咗佢嘅软壳蟹意大利饭，软壳蟹炸得好脆身，个意大利饭口感好好而且唔会痴牙。而猪仔骨嘅酱汁都几好味又唔会好干身又易切，仲配左个薯蓉，个薯蓉有小小嘅薯仔粒喺度所以口感更有层次。个人觉得呢间餐厅绝对系有诚意，记得有一次去叫咗分五成熟嘅牛扒，但煮到似七成熟，原意只系想问下餐厅嘅五成熟系咪就系呢个熟度，谂住知道下次要order几成熟，好欣赏餐厅愿意承认系住得过咗龙
餐厅面积都比较细，灯光比较昏暗，装修简单，都几啱约埋几位知己好友喺度倾吓计食下野。
呢度嘅必食推介一定系黑松露薯条，首先薯条外脆内软，而且薯条上面都会有少许黑松露酱，另外再配一个忌廉黑松露酱，所以黑松露味非常之浓，的确会令人食唔停。呢度嘅Pizza都做得非常出色，系薄底嘅Pizza好脆但绝对唔会觉得好干身，因为上面既芝士同酱汁都比较多，我个人就好钟意食佢嘅巴马火腿薄饼同埋夏威夷薄饼。另外佢嘅意大利粉同意大利饭都做得好细心，因为上菜嘅碟都系暖暖地嘅，意粉同埋饭嘅软硬度都煮得适中。今次试咗佢嘅软壳蟹意大利饭，软壳蟹炸得好脆身，个意大利饭口感好好而且唔会痴牙。而猪仔骨嘅酱汁都几好味又唔会好干身又易切，仲配左个薯蓉，个薯蓉有小小嘅薯仔粒喺度所以口感更有层次。
个人觉得呢间餐厅绝对系有诚意，记得有一次去叫咗分五成熟嘅牛扒，但煮到似七成熟，原意只系想问下餐厅嘅五成熟系咪就系呢个熟度，谂住知道下次要order几成熟，好欣赏餐厅愿意承认系住得过咗龙，本来佢打算帮我地换过一份，但我哋唔想浪费食物，而且七成熟我哋都接受到亦唔会太韧，但最后餐厅送咗一杯特饮俾我哋试饮。
整体来讲无论餐厅既食物，店员嘅服务都系好好，所以绝对系会再推介俾朋友，同埋自己都会在光顾。唯一有既少不足，就系甜品种类比较少，而且味道一般般。
黑松露薯条
30 浏览
0 赞好
0 留言
夏威夷薄饼
25 浏览
0 赞好
0 留言
软壳蟹意大利饭
17 浏览
0 赞好
0 留言
猪仔骨
17 浏览
0 赞好
0 留言
乳酸梳打
17 浏览
0 赞好
0 留言
张贴
