Carlo Riva (已結業)

办公室系附近，见呢间餐厅开左几个月。咁岩今日有朋友黎食午餐，见环境唔错，入去试下。的确第一眼睇倒菜单觉得价钱贵，西餐厅又无意粉之类既选择。经理友好主动打招呼介绍，三个人都试左佢既羊架。识食既朋友睇倒佢ＳＥＭＩ—ＢＵＦＦＥＴ既前菜，就知道佢用既食材不错。推介青口。加上甜品，问过经理，有一半都系佢地自己有师傅做，有诚意。主菜食材用澳洲黎既羊架，四条骨，真系落足本。最后杯咖啡系可以的。每个人食饭都有自己既ＰＲＥＦＥＲＥＮＣＥ，无得批评其他人对与错。而每间餐厅亦有自己既定位。我系想揾间坐得舒服，食物可以，食完唔会急住比人赶既餐厅。环境：比起附近八成食肆都要好。食品：超出预期，做餐饮系讲诚意，你睇佢既食材成本都唔系低，如果你识欣赏，你会钟意。价格：人均２６０左右，一分钱一分货既前提下，值得。真系唔好用５—６０蚊既茶餐厅作比较，唔公平。埋单仲送张１００蚊ＣＯＵＰＯＮ，２人黎食就可以用。即系下次人均２００左右。会再黎。注：睇倒其他人既食评，其中个汉堡我个人都觉得可怕。好彩入去经理介绍，三个人谂都唔谂就拣左羊扒。