紫蝶花 (已結業)

今晚行完将军澳中心黎到呢间紫碟花, 人唔算多但见佢食物款式多, 所以就黎试一试!喇沙海鲜焗饭我地都系第一次见所以要试下, 一黎见到焗得好靓, 喇沙味唔会太浓而饭底系有炒过既, 新鲜既配搭食落都好夹, 唯一系海鲜相对少左啲, 如果份量再多啲就perfect!泰式金边粉呢个上台又系劲香, 除左花生粒外仲有辣椒碎, 可以每啖涝少少食。金边粉炒得好香同埋好多料, 基本上每夹一啖都有唔同料一齐, 同样叫左少油之后食落再干身啲, 好满足又唔肥腻!星洲炒萝卜糕见到隔离台都嗌呢个好似好正咁, 我地都唔执输, 落单个阵可以叫少油就食落健康啲同埋唔会食到底被油浸住。 xo酱好香浓同埋萝卜糕真系好夹, 萝卜糕亦都切粒, 但又唔会散哂同埋冇料, 都食到有腊肠粒!马来咖哩牛肋条+手抓饼朋友唔食粉面就叫左呢个配搭, 牛肋条细细粒好影食, 咖哩亦都有好浓椰香味, 送饭或手抓饼都一流紫碟花蜂蜜柠檬梳打呢个真系好有惊喜, 系用左蜂浆, 所以蜂蜜味好重同埋入味, 加埋紫紫地既柠檬梳打好开胃, 未食哂餐饭已经饮哂了