醬缸韓國料理 (已搬遷) 新店位置

三号波落左，打风唔成，落雨。在这种潮湿天气，食辣野肯定无得输。朋友诚意推介佐敦韩式小店。横掂出地铁只系一钟路程，就坐几个站来试试啦。午餐比起其他餐国餐厅选择多好多，价钱由$48起，不设加一。不过值得留意，午餐只收现金。自从电子支付出现后，我银包现金唔多。好彩价钱抵，我仲够俾钱，如果唔后要大雨下去atm都几狼狈。食物泡菜猪肉窝好浓泡菜味，酸酸辣辣好正。好多泡菜，d猪肉好淋。呢个韩式拉面炒年糕，味道略甜。不过我都好钟意。隔离枱都有叫，佢地叫左小辣，颜色无咁红。食完个人好暖，岩晒日日去冷气好劲的office返工的我。环境：店仔细细，枱很多，好易听到隔离的食客倾计。店舖设计充满韩国色彩。收银机附近贴左韩国小朋友的成长照同家庭照，令间铺更有家的感觉。服务：全部店员都貌似阿猪妈。有少少阿妈的气场。出菜好快，唔洗5分钟。食食下，有个客人在店里滑到，佢地都即时问候。阿妈始终系好识照顾人架！价钱：以食物味道来说，好经济，又无加一。