拉麵達人 (已結業)

拉面系我其中一个最爱嘅食物，又快又饱肚又唔贵。香港近期开左好多间新拉面店，呢间系其中一间。朋友试过觉得不错，于是今日便带我来试试！拉面店门面及店内装潢好日系，放了很多日式小摆设，如公仔，烧酒樽等等。店内约有20-30个座位，分左高枱高櫈的及普通的，我地拣左坐高櫈，较有风味。呢度嘅汤底系无味精架，强调系用猪骨去煲10个钟，充满骨胶原，会非常浓稠。我地order左个2碗拉面再加个小食。1.黑蒜拉面 $82汤底很够热，汤头非常香浓，稠稠的，黑蒜味好出！面质硬度我拣普通的，予我来说刚刚好！略嫌不够挂汤。叉烧是半肥瘦，我挺喜爱的。哪半只温泉蛋是糖心的，煮得岩岩好！2.樱花虾达人$88这碗汤底亦是浓郁的，有鲜甜的虾味。碗面好足料，有玉子，元贝，蟹柳，加上一只大大炸大虾，爽口弹牙！3.炭烧鸡肉串 $36鸡脾肉外层烧得微焦，内里相当嫩滑，照烧汁甜甜地，面头上的蛋黄沙律酱好香！加上少许柠檬汁可将整体油腻感降低！值得提提嘅系佢调味盒上嘅调味配料，包括有蒜粒，即磨芝麻及渍辣菜。佢嘅渍辣菜够晒香辣，配面食好正！