巧饍坊(素食)

营业中

休息中

近期听佛计听多咗，觉得多食素无论对环境，心灵同健康都有帮助，比我揾到一间喺黄埔美食坊的素食店。餐厅环境大而宽敞坐得舒服，有个小佛堂可以供奉，环境，食物有点心，小菜，炒粉面饭选择多。小笼包素食版本，以菇类做馅料，皮薄馅靓，只差了汤汁，要不然就更完美了。金丝香芋酥外脆内软，外面一丝一丝所以更加松脆的，入面的芋蓉好香浓。罗汉斋炒面可选少咸少油，感觉比较健康，罗汉斋的材料有菇类，云耳，小粟米，腐竹，白菜，上枱时热辣辣，火候够，味道啱啱好。卤水素鹅片外皮做到脆脆的有如食鹅皮的口感，肉质唔会太硬但有口，仲有云耳花生托底。亚麻籽燕麦叉烧包包身加了亚麻同籽同燕麦，健康加分，包的质地好软熟，叉烧馅料分量足感觉唔会肥腻。是日糖水，番薯糖水除咗番薯有姜，做到原汁原味，食得出番薯本身的甜。