誠拉麵 (已結業)

同朋友去AEON行街，见到呢间日本过江龙拉面，决定试一试。我叫咗白豚骨拉面，朋友就叫咗赤豚骨拉面。我地都加咗$15要埋日式沙律，饺子同汽水。~白豚骨拉面有海苔3片，木耳丝，葱，半熟鸡蛋一只，叉烧3片。汤底好浓郁，好重豚骨味，但食落唔会太咸，味道啱啱好，都唔会太油腻。拉面嘅质地较幼身，软硬度适中。叉烧都好大块，肉质松软。半熟鸡蛋系我最爱，采用日本鸡蛋，蛋味浓郁。木耳丝好爽口。~赤豚骨拉面配料一样，汤底有少少分别。加咗辣，食落更加惹味。~饺子即叫即煎，煎得好香脆。饺子皮好薄，馅料好多，食落好juicy。值得一赞，员工嘅服务态度好好。下次一定会再帮衬。