一茗堂 (南山商場) (已結業)

以前中学午餐都会嚟南山村食，好耐冇嚟过呢一头，咁啱今日过嚟呢边揾朋友，见到开咗间新嘅餐厅，而且环境特别出众，因为本身呢边多数都系小店，但呢间布置系比较新潮啲，所以我同朋友二人决定食呢间。装修真系几小清新，又带啲西式嘅风格，座位之间阔落，有空间感坐得都好舒服。我同朋友二人各嗌左一个午市套餐，赠送餐汤或沙律。而当日嘅餐汤系手打番茄汤，好浓嘅蕃茄味，颜色偏橙，同一般嘅西餐厅饮到嘅真系几唔同，蕃茄味比较真，都唔错。《黑松露芦笋龙利鱼卷配白饭蔬菜香草忌廉汁》$68第一次见芦笋龙利鱼卷呢一个菜式，本身钟意食鱼同埋芦笋既我，觉得两者配合一起都唔错，味道比较清淡少少，点汁味道就会更突出。黑松露略嫌味道唔够出，如果多番少少就更好，整体一般。《意式蒜香辣椒鸡柳扁意粉》$48蒜味香浓，而且鸡柳唔会好干好孩，食起嚟都算几滑，而且扁意粉口感好好唔会过林，都几弹牙，推荐！追加小食《明太子鸡翼》$33好钟意食明太子嘅嘢，呢个鸡翼咬开超多明太子，好满足！最后仲有两杯美式咖啡，即磨够晒香浓，亦都睇得出有诚意。