影片
更多
2016-06-13
342 浏览
早排见到饮食男女介绍龙门居宵夜街，搞到我心思思决定同老公去扫街！黎到老公话有间狗仔粉新开想试下，由于我地食完晚饭先黎，两个人叫左一碗招牌狗仔粉，$19一碗价钱都好平民化，老板娘好好招呼，我地要小辣，老板娘就主动话帮我地另外加小小唔辣菜圃，香口d咁话好Nice～ 本身抱住试新野心态，点知一食真系有惊喜好清新有小小东菇丝同虾米仔，系传统狗仔粉既味道！仲有猪油渣好香好好味！跟住叫左一串秘制咖喱鱼旦$7，咖喱汁好香好正鱼旦仲系我中意食既果皮鱼旦 另外仲有皇牌鲜虾云吞，我地见到劲多人买，要等6分钟，因为老板话佢地即叫即做，于是我同老公就心思思买左个细云呑$16有5粒，云呑竟然系原只大虾做，好鲜好爽口，两个字：抵食，食既时候要小心，因为即煮生云呑个心会好热，唔同返热既云呑，千其唔好一野放入口不过云呑我地就唔记得影相，总括黎讲真系有惊喜，真心推介
招牌狗仔粉
$19
44 浏览
0 赞好
0 留言
秘制咖喱鱼旦
$7
22 浏览
0 赞好
0 留言
张贴
