麻甩佬狗仔粉

营业中

休息中

💖 麻甩佬狗仔粉 (屯門)✨屯門龍門路43號龍門居第2座地下35號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️喺龍門居想買糖水嘅話一定要揀狗仔粉，因為食物選擇多🥳，配搭多好多多樣化😚-經典多芒🥭 $51芒果配仙草😚，超級清新爽口，嘴裏頓時感受到夏日嘅清涼氣息🧊，濃郁嘅芒果香氣配搭仙草嘅回甘，簡直就係夏季必飲嘅解渴良品😌-薏米腐竹蛋🥚 $24好大粒蛋🥚，腐竹同薏米清新又滋味,好有飽足感。而且上碟嘅份量都幾實在👍🏻-涼粉豆腐花🤍 $22軟糯嘅涼粉配上豆腐花🖤🤍，清涼滑嫩，好適合炎炎夏日☀️，消暑一流🥰。-炸燒賣🧆 $18酥脆飽滿大大粒😆，食落去有鹹香味，今次就冇叫辣，如果叫辣應該會勁好味🥳-炸芋圓🍡 $30外皮酥脆內裏軟糯，口感比普通芋圓更豐富😳-海帶綠豆沙💚 $22超多海帶🌱，綠豆起哂沙😚。如果拎黎去胎毒就岩哂😆-花雕醉雞翼🍗 $23浸咗花雕汁嘅雞翼超好味道👅，雞肉鮮嫩多汁，花雕嘅香氣亦都完全浸入到肉裏面，實在太好食啦❣️-蛋花馬蹄露🍼 $11金黃嘅蛋花配淡淡嘅馬蹄香氣，超級消暑解渴🥵

新鮮嚟一個！屯門龍門居嘅狗仔粉真係意外之喜！第一次試都有驚喜，咁樣嘅傳統街頭小食真係吸引人。佢哋嘅湯底濃郁，麵條又唔會太軟，啖啖有咬勁。我覺得佢哋係呢一碗狗仔粉入面擺嘅豬肉片，真係帶出咗整體嘅風味。特別係佢哋嘅湯底，濃郁而唔會太鹹，啱晒我嘅口味。總括黎講，龍門居嘅狗仔粉係一個好好嘅選擇，特別係如果你鐘意傳統嘅香港街頭小食。去完掃街，食碗熱辣辣嘅狗仔粉，真係好過癮。值得再去試下其他嘅小食同埋湯麵，睇下係咪同樣出色啦！

屯門友老公介意我係屯門有一條隱世美食街、雖然唔算好長， 但勝在有許多不同特色的街頭小食可以選擇❣️。 這一間小店除了傳統美食之外，還有糖水可選擇😍。（5⭐️最高）（整齊5⭐️）魚肉生菜🥬： 足料魚肉，每每一粒都均勻，而且肉質彈牙加上爽口生菜份外滋味狗仔粉：材料包括小冬菇 、蝦米🦐、炸豬油粒菜譜、蔥花 、菜脯粒等。 每樣材料都用鮮味熬製，所以個湯底費外香濃而狗仔粉嘅長度都是一致的。食完真係好滿足😌小食類花雕中雞翼：花雕味唔算好濃，但中雞翼內的肉質就有濃厚的花雕香👍🏻芝心雞扒：咬芝士慢慢滲出，亦有濃濃的雞肉香🤩司華力腸： 炸得啱啱好，肉質彈牙甜品類🤩芒果布甸🍮：小朋友的最愛，而且芒果肉鮮甜爆珠啫喱：有多款特色啫喱，例如青檸士多啤梨黑加倫子等。上面加入不同口味的爆珠紫米豆花：我比較喜歡這款紫米爽口、彈牙。而且豆腐花香滑則有濃濃的豆味熱狗🌭：熱狗外皮轉鬆軟香口，而且熱狗腸份外爽口彈牙

身為屯門人 當然最鍾意去龍門居覓食當中我就最鍾意食麻甩佬狗仔粉 款式又多又超值🤤.🔸招牌狗仔粉 辣去到麻甩佬狗仔粉，當然要食佢哋嘅招牌狗仔粉啦招牌狗仔粉入面好足料 有超多嘅粉仲有好多好惹味嘅配料 加辣嘅辣到非常啱我超惹味 食一碗大size嘅都非常滿足🤤.🔸經典多芒西米露經典多芒系列可以揀選唔同嘅配料我就揀選咗西米露 芒果勁足料 每一啖都咬到芒果果肉西米露充滿椰香，配埋芒果非常好食.🔸咖喱魷魚咖喱魷魚入面仲有蘿蔔 蘿蔔沾滿咗咖喱嘅香味而且好腍好甜 魷魚份量都好充足配上咖喱好惹味.🔸燒韭菜燒韭菜佈滿咗好多調味粉 辣辣地好香作為燒烤粉絲嘅 我真係覺得好好食🤭.推介各位朋友經過屯門龍門居絕對要試吓麻甩佬狗仔粉性價比非常高 每樣食品又平又好味👍🏻

有時食得多餐廳 都心郁郁想掃街食下啲街頭小食 係屯門要掃街一定要去龍門居多間小食店雲集 呢間未試過就試下✨招牌狗仔粉生菜魚肉同碗仔翅就食得多 狗仔粉我係第一次食 聽講係50-60年代既街頭小食入面啲粉似狗仔尾所以叫狗仔粉入面有冬菇 辣菜脯同蔥 好足料咁食落辣辣地 好惹味 同啲粉都好滑 軟軟糯糯咁 值得一試👍🏻✨花生糖不甩食完鹹梗係食啲甜 糖不甩應該好多人都愛有六粒 加埋晒花生碎同黃糖粉一齊食 甜甜地好食 又唔怕太濟🙌🏻小店選擇都幾多 甜同鹹都有 最推薦係狗仔粉 因為抵食又惹味間中食呢啲懷舊野 都幾唔錯

屯門龍門居掃街必食招牌狗仔粉 $29湯頭帶有淡淡嘅香菇同蝦尾鮮味，加埋蔥同辣菜脯 淋淋嘅狗仔粉中帶啲爽口嘅口感 咁大碗性價比好高 唔錯！小咖哩三寶 $26街頭小食必食嘅一款 豬皮蘿蔔同魚蛋都浸得好腍好入味！經典多芒西米露 $34 （加底+$6）入面都好足料好多西米露同芒果唔會淡茂茂～脆皮粟米 原味 $35重有蕃茄、芝士、紫菜、甘梅、咸蛋黃味揀～我就試原味 超大一條！外層超級脆卜卜 粟米都好鮮甜 配埋奶油一齊點 口感好豐富😍自選串燒 （五串）$55 小辣揀咗豬、牛、雞、雞腎、台灣腸台灣腸幾有驚喜 串燒上面沈咗啲辣粉更加惹味 而且唔會燒得過燶過硬！麻甩佬狗仔粉 (屯門)屯門龍門路43號龍門居第2座地下35號舖

久違了既懷舊「麻甩佬狗仔粉」，好少地方有得食粉仔了，間野有粉仔、仲有魚肉翅🤤粉仔個湯好香濃👍🏻👍🏻有冬菇、油渣加埋菜甫，推介之選，好味配埋甜品芋圓仙草，芒果糯米糍（大大件芒果🥭肉）正間小食店有好多選擇，有咖哩三寶、花雕雞翼、糖水、豆漿、豆腐花、三色芋圓西米露，多芒糖水等…….

《以下故事教識我要做個精明消費者》今日叫左糖水，揀左經典多芒系列，但因為選擇困難所以見到話可以雙拼，就揀左椰皇果凍同埋西米露味道就一般般啦，但主要唔係想講呢樣野。買既時候就expect應該around 40幾50蚊啦。咁見到有1、2、3號碗，對應細、中、大碗，但係就無寫價錢既我同左店員講我想要咩之後，佢就問我要2號定3號，我心諗最多都係爭10幾蚊姐😂咁我就話要3號（咁店員就無同我講2、3號既價錢分別啦）然後佢就同我講$76———比完錢之後———其實都唔係好load到發生咩事，但諗諗吓就覺得好唔對路點解要成$76望下張單發現（應該要影低張單）：經典多芒x2 $71- 西米露- 椰皇果凍 +$5我其實真係問曬號？？？呢個叫雙拼？然後我走去問個店員，佢同我講雙拼係兩個1號碗，然後我再加大，3號碗係兩份芒果底咁喎。。。我心諗大佬你都無講過原來3號碗係要加多個芒果底，仲要個店員話佢有講🤗其實聽完佢個解釋我都唔係好明🤗你地自己睇住個menu計下個價錢啊，我真係唔get啊！但佢已經整好碗嘢我唯有攞走啦，都無計。。。呢個故事教訓我下次要問清楚啲價錢🤗同埋要醒目啲🤗如果雙拼既價錢係等於兩份單叫，我

每次黎麻甩佬我都會嗌豆腐花除左平之外 味道質素都唔差 有豆香味 又滑 真係對得住個價錢豆腐花有分3個size 我每次都係買$10中size佢有冰糖桂花或黑糖薑做糖水兩隻我都試過 夏天就必食冰糖桂花 消暑一流冬天就梗係黑糖薑汁 食完個人暖笠笠😋😋😋 除左豆腐花 佢既芒果糯米糍都出色唔會太厚皮 不過有時芒果會有酸可能唔係當造既關係另外咖哩三寶都好惹味不過對我黎講太辣😂😂😂😂總之想食豆腐花去幫襯麻甩佬真係不二之選

💖 麻甩佬狗仔粉 (屯門)✨屯門龍門路43號龍門居第2座地下35號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️媽咪成日都會喺屋企樓下買呢間舖頭嘅經典多芒俾我食，佢今日去買嘅時候順路話見到佢哋出咗糕點系列🤭可以拎嚟送禮所以就買咗幾盒餅返嚟🤩點知有我最鍾意嘅蘿蔔糕😏梗係叫佢即刻煎嚟試吓啦😚-賀年糕點優惠套裝🥧 $368/4底今次媽咪就買咗四底唔同嘅口味，分別係蘿蔔糕、芋頭糕、馬蹄糕同埋年糕😍每底都差唔多接近一斤😱個個都係真材實料🥳全部都係冇味精同埋防腐劑~除咗年糕可以放20日左右之外其他都係可以放喺雪櫃七日內食用🤜🏻🤛🏻年糕口感Q彈😻淡淡椰汁香氣，大家會唔會鍾意加埋蛋一齊煎呢？蘿蔔糕嘅蘿蔔就有顆粒感，好有咬口㗎🫶🏻鹹香味十足，因為當中臘腸、蝦米嘅份量都唔少☺️而且仲食到甜甜嘅蘿蔔味😋馬蹄糕平時好似比較少見，我同老公喺屋企樓下嗰間酒樓都冇乜食過😮‍💨媽咪買咗返嚟之後我哋兩個可以一齊食啦🤣芋頭糕同蘿蔔糕一樣都係有超多芋頭，好有顆粒感。每一啖都食到芋頭粒😎芋頭fans必選😈大家如果想買嘅話就趁早訂購啦，我記得佢哋好似月頭就會截單㗎🤔！

住屯門既人有福啦🥰呢間營業到凌晨既宵夜店最近推出左賀年糕點🔥 性價比高🙈小店主打各款傳統小食 例如招牌狗仔粉、真係碗仔翅、生菜鯪魚肉等 甚至連乳鴿都有🕊️價錢相宜 選擇都好多 經過一定要買泥試吓❣️💰優惠價$368/四底（可任意配搭）賀年糕點均為限定預售 每底約一斤裝師傅精心製作 無防腐劑及味精 售完即止🥰💓年糕 💓蘿蔔糕 💓芋頭糕 💓馬蹄糕佢哋嘅糕點味道一流🥰厚實新鮮 食完唔會有口渴蘿蔔保留清甜原味道👅而且面層有蝦米🦐、臘味煎嘅時候落少少油就可以 唔會痴鍋底🙈蘿蔔糕唔會好粉 口感軟糯 容易切開煎完出嚟仲要好完整 質地唔易鬆散🔥芋頭糕細膩的臘味脂香和味道濃郁的粒粒芋頭口感味道香濃 芋頭味十足 屋企人都話好食👍🏻年糕同馬蹄糕味道香甜 煎完出泥好香🤣賀年糕點均以獨立真空包裝 收貨後需保存於雪櫃🧊🌟年糕（温度0-4度，保存期限約20天）🌟蘿蔔糕（温度0-4度，保存期限約7天）🌟芋頭糕（温度0-4度，保存期限約7天）🌟馬蹄糕（温度0-4度，保存期限約7天）

繼續講吓屯門龍門居宵夜小食街 呢間開咗好多年 主打狗仔粉 糖水 豆腐花 同上一間一樣都係咁多人排隊望返以前 雖然加咗價唔少 但都唔算貴今次試試佢哋套餐 狗仔粉 加咖喱三寶 加蛋花馬蹄露$50.⭐️狗仔粉👌🏻對比冇18座咁軟身 比較粗身似烏冬口感 👌🏻有d菜脯 冬菇絲 湯底唔會太鹹 ok👌🏻⭐️咖哩三寶 有魚蛋 豬皮 蘿蔔😍最鍾意佢哋豬皮 吸完咖喱汁好好食⭐️蛋花馬蹄露個人第一次試 因為有蛋花 比較厚身 馬蹄爽口清甜 幾好飲.#hkfunfoodrecord窮遊香港#hkfunfoodrecord_屯門.#麻甩佬狗仔粉 (屯門)地址：屯門龍門路43號龍門居第2座地下35號舖時間1100-0100.⭐️評分：味道：3.5/5環境：-/5 掃街服務：-/5 掃街抵食：3.5/5 套餐幾抵食..#飲食 #美食 #優惠 #抵食 #hk #food #hkfood #hkfoodie #hkfoodblogger #hkblogger #hkfoodies #香港美食 #元朗必食 #龍門居 #元朗美食 #元朗 #天水圍 #天水圍美食 #天水圍必食 #屯門 #屯門美食 #屯門必食 #掃街 #魚蛋 #燒賣

作為一個榴槤控，看到朋友的屯門高質榴槤糯米糍介紹就立刻收藏，然後麻煩住在屯門的朋友幫忙購買，可惜當日竟然沒有供應為了吃到好西，我就是不心息，朋友建議我先致電小店問問是否有供應，於是第二天致電並留貨，特意乘車到訪，最後成功購買✌🏻小店位於出名美食多的龍門居，提供大量甜品及小食，定價合理-榴槤糯米糍 $18/件，$33/2件當晚吃過火鍋後再細心品嚐切開是滿滿爆餡的榴槤蓉，非常驚喜榴槤蓉軟滑細緻，榴槤味濃郁香甜，更食到一絲絲的榴槤肉，絕不欺場；至於糯米皮則薄而軟糯，細滑煙韌夠Q感，非常滿足，作為榴槤愛好者必定要試🥹我相信只要我榴槤癮起，一定會專誠到訪再吃😆美味指數：10/10

💁‍♀️💁‍♂️ 26/11/2023(Sun), 外賣自取🥡💁A先生間中都會去到屯門處理一些事情，有時咁岩遇正肚餓時都會去順路嘅龍門居買嘢食醫肚，龍門居呢度就出名多嘢食，夜晚都好多人嚟掃街。之前都有買開麻甩佬嘅狗仔粉食，味道都唔錯，係店舖嘅招牌菜。同時間舖頭都有賣其他小食同甜品，選擇都有唔少，而且價錢相宜。而今次我地就黎買咗：🔆 榴槤糯米糍（@$18，$33/2件）本身💁A先生打算係想買兩件榴槤糯米糍，店員問返A先生會唔會等一陣，因為榴槤糯米糍剛剛由工場送到，正喺落貨途中。既然只係等幾分鐘，當然等啦。拎到榴槤糯米糍後，💁A先生急不及待返上車先食一件，榴槤糯米糍嘅糯米皮唔算好薄，但咬落十分軟熟😍，一啲都唔會覺得厚或者食到成口都係皮無餡。重點係內𥚃嘅榴槤蓉十分之澎湃😱😱😱，味道香濃，食落滿滿嘅一口榴槤香甜味道，滑得來仍帶有一絲榴槤肉嘅纖維，口感同味道都好滿足，比起一啲名店嘅榴槤糯米糍都絕對優勝👍👍👍。食完呢件榴槤糯米糍之後，A先生覺得係好食到要立刻落返車去舖頭再買多兩件返屋企再食。大約半小時車程返到屋企，💁‍♀️為食妙妙對呢件榴槤糯米糍嘅評價都係-😍😍😍勁好食😋。🔆🔆🔆🔆🔆🔆🔆🔆🔆🔆🔆🔆🔆❤🙆

成日經過龍門居買呢間嘅糖水 但係有時見到糯米糍好似都有啲貴，所以冇試。但係今日實在太想食啦，屯門又冇乜邊度有得賣，所以買左試吓。估唔到榴槤餡都好多下，略嫌榴槤熟咗少少，但係都OK。糯米皮好煙韌，厚薄適中👍🏻豆腐花，正正常常都幾滑，路過可試。