利寶閣 (已結業)

西式自助餐食得多，中式都系第一次。见到团购就试下啦，带埋婆婆妈妈去，食到佢地赞。赞。赞。首先每人一盅佛跳墙，唔系味精水，真系有鲍鱼炖既汤，好味再来大大只虎虾上汤面，虾好大只好爽口。呢两样都系得一份，无得再加。之后就开始劲食大赛😂自助餐开始，为保持品质，所以都系写纸即叫即整既，钟意食海鲜既我地一定唔会放过肉蟹同虾啦，有几款口味，我个人欣赏避风塘炒蟹，啲蟹好大只架仲有膏添，超级正。之后新鲜片皮鸭出场，呢个都系任食唔使争又唔使惊人少食唔晒，皮好脆口又唔会太肥，见到小朋友都食得好滋味。主餐食饱饱当然唔少得甜品啦，红豆冰同杏仁茶要推介。仲有小朋友爱食既雪糕拣。呢次中式自助餐真系又抵又好食，好岩带长辈👴🏼去食。