陳儀興尚潮樓 (太子道西)

营业中

休息中

突然心瘾起想食潮州菜。见到太子新开左陈仪兴。就决定同陈仪兴来一个约会。唔多潮州店会整生腌海鲜。一来卫生问题。二来好易食得出新唔新鲜。原本都1516食唔食。不过相信陈仪兴有质素嘅保证。生腌膏蟹。一上枱橙黄色嘅膏劲吸睛。膏多肉厚。调味得宜唔会盖过只蟹本身嘅味道。蟹膏又多又幼滑。蟹肉爽口非常鲜甜。仲可以配白饭或潮州粥。劲好捞饭食。鹅三宝。餐厅选用潮州出名嘅狮头鹅。三宝卤得入味。卤水汁香浓而不腻。食得出唔同嘅香料味。唔会死咸。鹅肉淋滑。皮下脂肪适量。有鹅香得黎唔会成口肥。鹅肠劲爽。一咬即开。鹅肝好香好滑。食完好有满足感。二十年老菜脯炖鲜猪肚汤。第一次食老菜脯。汤口味偏甜。猪肚略嫌有少少干。饮品叫左老药桔。应该系腌左嘅桔加梳打水。唔会有药味。有啲咸柠七嘅感觉。陈仪兴嘅食物果然冇令人失望。价钱又适中。见到有好多手工菜都好想试。绝对值得再访。