Beans Brekkie Room

营业中

休息中

闲日7点几，两位，唔洗排队。用餐时限：90分钟将军澳popcorn哥间就食过好多次，今次黎到坑口站揾食，结果都系食返呢间饭堂。我的最爱，黑松露软壳蟹意大利粉。一上桌就闻到好香黑松露味，意粉煮既时间岩岩好，唔会太腍。软壳蟹新鲜炸得好香脆，配埋洋葱蘑菇同埋黑松露酱汁，好味！新品，牛油果软壳蟹意大利饭。一上桌，好大阵咸香味😂意大利饭都做到表面柔软，中间略带米心，半熟既口感。牛油果食落无乜味，我估系用急冻运过黎既牛油果，不过食落都creamy，收货啦。但系蟹肉就得少少，食落少少咸，整体不过不失。All day menu包一杯饮品：柠檬蜂蜜/黑糖姜母茶/美式咖啡叫左冻柠檬蜂蜜，非常甜，一路饮一路沟水落去饮，变相好似饮左两杯咁😂甜得黎都饮到好香蜜糖味，不过怕甜就记得要叫少甜。餐厅虽然唔系好大，不过枱同枱之间都有空间，唔逼，中间长台用胶板分隔，私隐度又再高dd，装修简洁，光猛，用餐环境舒服。值得赞既系唔会因为越开越多分店而食物质素下降，Beans系我将军澳区既饭堂，希望佢继续keep到呢个水准啦。