影片
更多
2018-11-13
65 浏览
听住大角嘴嘅朋友讲，个度有间隐世又好食嘅打边炉，附近街坊好多都知道，不过少卖广告，所以街外人都未必识嘅。我话咁就啱晒我喇，因为我最钟意周围揾食！咁啱今日公司做成单生意，所以就决定揾呢间表叔火锅同个best friend 食餐好庆祝下。一入去已经感觉到佢平民嘅一面，其实好多边炉店唔需要华丽装潢，注重食物质素反而有惊喜。叫得鱼生火锅店，当然嗜日嘅我就当然唔少得啦！大赤贝爽口新鲜，加埋肥美嘅三文鱼腩，真系一个有质素嘅日式鱼生盘。当然，重要嘅火锅汤底，我叫咗佢地嘅招牌酸鱼锅，酸酸辣辣，好过瘾，加埋入面嘅鱼片好滑，真系好岩食惯出面大路汤底嘅朋友，仲要一提入面满满配料，真系汤底都饮到碗。我个好牛朋友佢黎得当然要试个手切肥牛，好嘅火锅店必定要有好牛肉，佢呢碟牛一睇就知系靓雪花，瘦中带肥，切出厚度所以食落有口感，我朋友都话好满意，食唔停口。再要一提嘅系个炸鱼皮，真系唔同一般行货，呢间火锅店一定系有心做嘅自家制，因为真系好松化，有入口即溶嘅特别感觉，坊间一定食唔到呢种质素，我谂应该系佢地主打鱼，所以鱼皮都好新鲜先可以制造到呢重炸鱼皮，呢个必点推介。而个鸳鸯墨鱼丸就比较正常，食落爽口，不过墨鱼味唔够重，所
一入去已经感觉到佢平民嘅一面，其实好多边炉店唔需要华丽装潢，注重食物质素反而有惊喜。叫得鱼生火锅店，当然嗜日嘅我就当然唔少得啦！大赤贝爽口新鲜，加埋肥美嘅三文鱼腩，真系一个有质素嘅日式鱼生盘。
当然，重要嘅火锅汤底，我叫咗佢地嘅招牌酸鱼锅，酸酸辣辣，好过瘾，加埋入面嘅鱼片好滑，真系好岩食惯出面大路汤底嘅朋友，仲要一提入面满满配料，真系汤底都饮到碗。
我个好牛朋友佢黎得当然要试个手切肥牛，好嘅火锅店必定要有好牛肉，佢呢碟牛一睇就知系靓雪花，瘦中带肥，切出厚度所以食落有口感，我朋友都话好满意，食唔停口。
再要一提嘅系个炸鱼皮，真系唔同一般行货，呢间火锅店一定系有心做嘅自家制，因为真系好松化，有入口即溶嘅特别感觉，坊间一定食唔到呢种质素，我谂应该系佢地主打鱼，所以鱼皮都好新鲜先可以制造到呢重炸鱼皮，呢个必点推介。
而个鸳鸯墨鱼丸就比较正常，食落爽口，不过墨鱼味唔够重，所以食鱼就食佢地嘅火锅鱼配料，应该更为不错。
整体黎讲，多谢我个朋友介绍呢间火锅店俾我，对注重食物质素嘅我，真系觉得好满足，睇到店主用心做嘅配料，呢间先应该叫做隐世好食店。
张贴
