麵屋 元祖達摩 (已結業)

周末行过见到呢间铺头门口贴左张图写住龙虾拉面，心谂晏昼食拉面就好普通，但有埋龙虾就一d都普通了，所以谂都冇谂就拉埋朋友入去食啦！两人各点了碗拉面及饮品，灸烧芝士龙虾拉面，樱花虾味噌拉面及两支梳化汽水。落单系用落单纸，除左选拉面外，仲有唔同面质或附加配料等等方面喜好选择。朋友樱花虾拉面先到，我试一试拉面同汤底先，因为食拉面呢两样对我来说非常重要，拉面汤底有浓浓猪骨汤味，绝对真材实料肴制而成，拉面质地烟韧爽口，樱花虾提升左整体鲜味。之后我点的龙虾拉面到了，果然冇令我失望，离远已经见到超大只龙虾放系拉面碗上，龙虾几乎已经遮住了下面的配料和拉面，逼不及待马上食，芝士烧龙虾，除左龙虾肉十分鲜甜爽口弹牙外，加上浓浓芝士香，口感丰富，味道香浓，仲有半熟蛋都好味道，配上鲜甜汤底，我好快都食到豌底朝天了！我觉得呢间餐厅地方好整洁舒服，而且服务员态度非常友善有礼，更会向我推介特色拉面，我地都好满意环境同服务。