三希樓 (利舞臺廣場)

营业中

休息中

寻晚同几个好朋友去食晚饭，真系觉得有宾至如归嘅感觉。首先食物质素同味道真系非常之好，分区经理Samson真系好专业，介绍咗餐厅入边好味嘅食物俾我哋。可惜我地每人得一张嘴同埋一个胃，否则可以再食多啲。我自己喜欢食辣，但系有啲朋友食唔到，佢都推介到一啲辣同唔辣嘅嘢俾我哋。我觉得佢嘅前菜、小菜同甜品都好出色，其中咕噜肉，胡椒虾、清香鱼、炸酱面同埋辣子鸡真系非常好食，甜品方面亦都不得了，豆腐花配上桂花糖系绝配，个流沙包真系不得了，我觉得系必食；雷沙汤丸同埋个枣茸千层糕都好好食，后者烟烟韧韧又有好香嘅枣味，喜欢呢种口感同埋枣嘅人一定要叫。我哋一班朋友都食得好开心，有机会一定会再去食，如果喜欢食辣嘅朋友，我觉得呢个系一个唔错嘅选择。寻晚系平日，竟然都好多人，我估佢食物质素同服务应该几稳定。希望佢哋可以继续保持服务质素同服务，我觉得好嘢一定要赞，香港应该多一啲正能量。Keep it up!