炎鳥羽

营业中

休息中

今日去左金钟睇kaws，之后搭船去尖沙咀行街，行到攰就去左食串烧，呢间店系厚福街，闹市中有一点隐世。先上前菜每位 $20活赤贝刺身 $58，朋友实在太爱活赤贝，每次吃日本野都会点，话要试下边间最好味，呢间都好味啊；另外点左个特大日本带子刺身 $98，有4件，超鲜甜！紫菜鱿鱼须天妇罗 $58，确实有紫菜味，绿绿的外貌不算讨好，炸得有点干。鸡肉棒 $42，有只生蛋黄，鸡肉棒可沾上蛋汁，除了有鸡肉还有些爽口的鸡软骨。明太子鸡翼 $28，明太子酿在鸡翼内，少许辣，好饱满。牛舌厚切 $48，爽口既牛舌系我至爱，最爱呢种口感同牛既香味特别香，赞！白鳝 $68，烧到脆卜卜，上菜时还见到在燃烧，好正好香，必吃。栗米 $22，粟米有半条，卖相已经知一定好味，意想不到，有牛油味加甜甜粟米香，好想再encore!芝士翠肉瓜 $22，翠肉瓜同芝士唔算好夹，纯翠肉瓜会更好吃；炸豆腐 $20，好好味，炸到个皮好脆，又不失豆味。整体串烧质素高，即叫即烧，热辣辣，调味刚好。