湯煲私房火鍋

营业中

休息中

不嬲都钟意打边炉，今次过咗嚟呢间中上环嘅私房火锅店，佢哋有别于连锁餐厅，舖头既食材好多都系新鲜制造，而且消费满$1000可free corkage 免开瓶费，啱哂一班人开下酒打吓边炉佢哋有多款汤底，有养生、麻辣等等，我哋拣咗花胶鸡煲，汤头都几鲜甜，浓郁而且饮落去有少少黏口，骨胶原十足里面都好足料，都多鸡件同花胶。打边炉点少得牛肉，安格斯肥牛薄切，油脂均匀，入口口感都唔错，至于丸类到同饺子类嘅火锅配料就摆咗喺小竹笼度，都几精致，水晶奶皇包几得意，外皮烟烟韧韧，里面包住流心奶黄馅，本身打边炉比较prefer食咸嘢，但都觉得呢个好香甜creamy，至于猪润拼鱿鱼，个猪润好好食，厚切得嚟肉质好滑，而且一啲渣都冇鱿鱼新鲜弹牙，而手打牛丸都几好嚼口，但唯一比较淡口。至于鱼皮响铃都算炸得几好，两者都好松脆，轻轻放落个汤度几秒，absorb咗啲汤精华就可以食得啦整体嚟讲食物质素真系唔错，食得出系新鲜野，有机会会再encore！