影片
更多
2024-07-26
596 浏览
上次跟朋友嚟过铜锣湾西班牙菜餐厅依晚餐，感觉都唔错，所以今次同大少出铜锣湾买书，行经附近就嚟舒舒服服叹个午餐。餐厅布置都有格调，整体感觉都好舒适，chill感非常，另外仲设有户外座位添。以ipad为餐牌即刻增添多一点时代感，而且佢嘅食物种类都唔少。最后我地就超丰富地每人叫左个set lunch，再加一份小食、一杯特饮同一份甜品。其实我地嘅set系包餐饮嘅，咁我就叫左杯冻柠茶，不过大少见到隔离杯特饮好靓又话想饮，所以就叫左杯红莓荔枝为主嘅 Dance Tonight，味道唔错得嚟真系好啱打卡呀！小食就叫左份北海道带子刺身 ，北海道带子刺身大粒又厚，再配埋日式麻油柚子醋，味道都真系份外鲜甜。再加埋鱼子酱、鱼籽同柚子粒，口感变得丰富，而且咸香中带点清新，绝对系令人一食难忘嘅小食。先嚟set lunch嘅龙虾汤，入口Creamy而且劲香龙虾味，我汤怪可以证明系高水准之作。姜味橙香橡果西班牙黑毛猪鞍架，猪鞍架真心觉得超正，肉质嫩滑又够腍，食落仲好juicy。而且食落仲有阵阵嘅橙香味，令到成件事都好fresh。千其唔好漏左个薯蓉，因为真系好Creamy够滑身。炭烧澳洲羊架伴甜椒蛋黄酱，单睇卖相都已
餐厅布置都有格调，整体感觉都好舒适，chill感非常，另外仲设有户外座位添。
以ipad为餐牌即刻增添多一点时代感，而且佢嘅食物种类都唔少。最后我地就超丰富地每人叫左个set lunch，再加一份小食、一杯特饮同一份甜品。
其实我地嘅set系包餐饮嘅，咁我就叫左杯冻柠茶，不过大少见到隔离杯特饮好靓又话想饮，所以就叫左杯红莓荔枝为主嘅 Dance Tonight，味道唔错得嚟真系好啱打卡呀！
小食就叫左份北海道带子刺身 ，北海道带子刺身大粒又厚，再配埋日式麻油柚子醋，味道都真系份外鲜甜。再加埋鱼子酱、鱼籽同柚子粒，口感变得丰富，而且咸香中带点清新，绝对系令人一食难忘嘅小食。
先嚟set lunch嘅龙虾汤，入口Creamy而且劲香龙虾味，我汤怪可以证明系高水准之作。
姜味橙香橡果西班牙黑毛猪鞍架，猪鞍架真心觉得超正，肉质嫩滑又够腍，食落仲好juicy。而且食落仲有阵阵嘅橙香味，令到成件事都好fresh。千其唔好漏左个薯蓉，因为真系好Creamy够滑身。
炭烧澳洲羊架伴甜椒蛋黄酱，单睇卖相都已经非常吸睛，食落都仲有惊喜。羊架烧得刚刚好，肉质软嫩而且超多汁，带丁丁羊骚香味，再配埋个蛋黄酱一齐食，可以系话夹到冇朋友。
最后就以巴斯克芝士蛋糕配雪糕 作总结，巴斯克芝士蛋糕质感湿润幼滑，再配以流心状态，真系好味到停唔到口。而配上嘅雪糕亦都系另一亮点，丰富嘅质感加上超重奶香味，大爱呀
张贴
